|
וַֽיְהִי֙ הַמֶּ֣לֶךְ שְׁלֹמֹ֔ה מֶ֖לֶךְ עַל כָּל יִשְׂרָאֵֽל
|
|
אֱלִיחֹ֧רֶף וַאֲחִיָּ֛ה בְּנֵ֥י שִׁישָׁ֖א סֹפְרִ֑ים יְהֹושָׁפָ֥ט בֶּן אֲחִיל֖וּד הַמַּזְכִּֽיר
|
|
וְלִשְׁלֹמֹ֞ה שְׁנֵים עָשָׂ֤ר נִצָּבִים֙ עַל כָּל יִשְׂרָאֵ֔ל וְכִלְכְּל֥וּ אֶת הַמֶּ֖לֶךְ וְאֶת בֵּיתֹ֑ו חֹ֧דֶשׁ בַּשָּׁנָ֛ה יִהְיֶ֥ה עַל הָאֶחָ֖ד לְכַלְכֵּֽל
|
|
בַּֽעֲנָא֙ בֶּן אֲחִיל֔וּד תַּעְנַ֖ךְ וּמְגִדֹּ֑ו וְכָל בֵּ֣ית שְׁאָ֡ן אֲשֶׁר֩אֵ֨צֶל צָרְתַ֜נָה מִ תַּ֣חַת לְיִזְרְעֶ֗אל מִ בֵּ֤ית שְׁאָן֙ עַ֚ד אָבֵ֣ל מְחֹולָ֔ה עַ֖ד מֵ עֵ֥בֶר לְיָקְמֳעָֽם
|
|
בֶּן גֶּ֖בֶר בְּרָמֹ֣ת גִּלְעָ֑ד לֹ֡וחַוֹּת֩ יָאִ֨יר בֶּן מְנַשֶּׁ֜ה אֲשֶׁ֣רבַּגִּלְעָ֗ד לֹ֚וחֶ֤בֶל אַרְגֹּב֙ אֲשֶׁ֣רבַּבָּשָׁ֔ן שִׁשִּׁים֙ עָרִ֣ים גְּדֹלֹ֔ות חֹומָ֖ה וּבְרִ֥יחַ נְחֹֽשֶׁת
|
|
גֶּ֥בֶר בֶּן אֻרִ֖י בְּאֶ֣רֶץ גִּלְעָ֑ד אֶ֜רֶץ סִיחֹ֣ון מֶ֣לֶךְ הָאֱמֹרִ֗י וְעֹג֙ מֶ֣לֶךְ הַבָּשָׁ֔ן וּנְצִ֥יב אֶחָ֖ד אֲשֶׁ֥רבָּאָֽרֶץ
|
|
יְהוּדָ֤ה וְיִשְׂרָאֵל֙ רַבִּ֔ים כַּ חֹ֥ול אֲשֶׁרעַל הַיָּ֖ם לָרֹ֑ב אֹכְלִ֥ים וְשֹׁתִ֖ים וּשְׂמֵחִֽים
|
|
וּשְׁלֹמֹ֗ה הָיָ֤ה מֹושֵׁל֙ בְּכָל הַמַּמְלָכֹ֔ות מִן הַנָּהָר֙ אֶ֣רֶץ פְּלִשְׁתִּ֔ים וְעַ֖ד גְּב֣וּל מִצְרָ֑יִם מַגִּשִׁ֥ים מִנְחָ֛ה וְעֹבְדִ֥ים אֶת שְׁלֹמֹ֖ה כָּל יְמֵ֥י חַיָּֽיו
|
|
וַיְהִ֥י לֶֽחֶם שְׁלֹמֹ֖ה לְיֹ֣ום אֶחָ֑ד שְׁלֹשִׁ֥ים כֹּר֙ סֹ֔לֶת וְשִׁשִּׁ֥ים כֹּ֖ר קָֽמַח
|
|
עֲשָׂרָ֨ה בָקָ֜ר בְּרִאִ֗ים וְעֶשְׂרִ֥ים בָּקָ֛ר רְעִ֖י וּמֵ֣אָה צֹ֑אן לְ֠בַד מֵֽ אַיָּ֤ל וּצְבִי֙ וְיַחְמ֔וּר וּבַרְבֻּרִ֖ים אֲבוּסִֽים
|
|
כִּיה֞וּא רֹדֶ֣ה בְּכָל עֵ֣בֶר הַנָּהָ֗ר מִ תִּפְסַח֙ וְעַד עַזָּ֔ה בְּכָל מַלְכֵ֖י עֵ֣בֶר הַנָּהָ֑ר וְשָׁלֹ֗ום הָ֥יָה לֹ֛ומִ כָּל עֲבָרָ֖יו מִ סָּבִֽיב
|
|
וַיֵּשֶׁב֩ יְהוּדָ֨ה וְיִשְׂרָאֵ֜ל לָבֶ֗טַח אִ֣ישׁ תַּ֤חַת גַּפְנֹו֙ וְתַ֣חַת תְּאֵֽנָתֹ֔ו מִ דָּ֖ן וְעַד בְּאֵ֣ר שָׁ֑בַע כֹּ֖ל יְמֵ֥י שְׁלֹמֹֽה
|
|
וַיְהִ֣י לִשְׁלֹמֹ֗ה אַרְבָּעִ֥ים אֶ֛לֶף אֻרְוֹ֥ת סוּסִ֖ים לְמֶרְכָּבֹ֑ו וּשְׁנֵים עָשָׂ֥ר אֶ֖לֶף פָּרָשִֽׁים
|
|
וְכִלְכְּלוּ֩ הַנִּצָּבִ֨ים הָאֵ֜לֶּה אֶת הַמֶּ֣לֶךְ שְׁלֹמֹ֗ה וְאֵ֧ת כָּל הַקָּרֵ֛ב אֶלשֻׁלְחַ֥ן הַמֶּֽלֶךְ שְׁלֹמֹ֖ה אִ֣ישׁ חָדְשֹׁ֑ו לֹ֥א יְעַדְּר֖וּ דָּבָֽר
|
|
וְהַשְּׂעֹרִ֣ים וְהַתֶּ֔בֶן לַסּוּסִ֖ים וְלָרָ֑כֶשׁ יָבִ֗אוּ אֶלהַמָּקֹום֙ אֲשֶׁ֣ריִֽהְיֶה שָּׁ֔ם אִ֖ישׁ כְּ מִשְׁפָּטֹֽו
|
|
וַיִּתֵּן֩ אֱלֹהִ֨ים חָכְמָ֧ה לִשְׁלֹמֹ֛ה וּתְבוּנָ֖ה הַרְבֵּ֣ה מְאֹ֑ד וְרֹ֣חַב לֵ֔ב כַּ חֹ֕ול אֲשֶׁ֖רעַל שְׂפַ֥ת הַיָּֽם
|
|
וַתֵּ֨רֶב֙ חָכְמַ֣ת שְׁלֹמֹ֔ה מֵֽ חָכְמַ֖ת כָּל בְּנֵי קֶ֑דֶם וּמִ כֹּ֖ל חָכְמַ֥ת מִצְרָֽיִם
|
|
וַיֶּחְכַּם֮ מִ כָּל הָֽאָדָם֒ מֵ אֵיתָ֣ן הָאֶזְרָחִ֗י וְהֵימָ֧ן וְכַלְכֹּ֛ל וְדַרְדַּ֖ע בְּנֵ֣י מָחֹ֑ול וַיְהִֽי שְׁמֹ֥ו בְכָֽל הַגֹּויִ֖ם סָבִֽיב
|
|
וַיְדַבֵּר֮ עַל הָֽעֵצִים֒ מִן הָאֶ֨רֶז֙ אֲשֶׁ֣רבַּלְּבָנֹ֔ון וְעַד֙ הָאֵזֹ֔וב אֲשֶׁ֥ריֹצֵ֖א בַּקִּ֑יר וַיְדַבֵּר֙ עַל הַבְּהֵמָ֣ה וְעַל הָעֹ֔וף וְעַל הָרֶ֖מֶשׂ וְעַל הַדָּגִֽים
|