|
כָּרַ֥ע בֵּל֙ קֹרֵ֣ס נְבֹ֔ו הָיוּ֙ עֲצַבֵּיהֶ֔ם לַחַיָּ֖ה וְלַבְּהֵמָ֑ה נְשֻׂאֹתֵיכֶ֣ם עֲמוּסֹ֔ות מַשָּׂ֖א לַעֲיֵפָֽה
|
|
קָרְס֤וּ כָֽרְעוּ֙ יַחְדָּ֔ו לֹ֥א יָכְל֖וּ מַלֵּ֣ט מַשָּׂ֑א וְנַפְשָׁ֖ם בַּשְּׁבִ֥י הָלָֽכָה
|
|
שִׁמְע֤וּ אֵלַי֙בֵּ֣ית יַעֲקֹ֔ב וְכָל שְׁאֵרִ֖ית בֵּ֣ית יִשְׂרָאֵ֑ל הַֽעֲמֻסִים֙ מִנִּי בֶ֔טֶן הַנְּשֻׂאִ֖ים מִנִּי רָֽחַם
|
|
וְעַד זִקְנָה֙ אֲנִ֣י ה֔וּא וְעַד שֵיבָ֖ה אֲנִ֣י אֶסְבֹּ֑ל אֲנִ֤י עָשִׂ֨יתִי֙ וַאֲנִ֣י אֶשָּׂ֔א וַאֲנִ֥י אֶסְבֹּ֖ל וַאֲמַלֵּֽט
|
|
הַזָּלִ֤ים זָהָב֙ מִ כִּ֔יס וְכֶ֖סֶף בַּקָּנֶ֣ה יִשְׁקֹ֑לוּ יִשְׂכְּר֤וּ צֹורֵף֙ וְיַעֲשֵׂ֣הוּ אֵ֔ל יִסְגְּד֖וּ אַף יִֽשְׁתַּחֲוּֽוּ
|
|
יִ֠שָּׂאֻהוּ עַל כָּתֵ֨ף יִסְבְּלֻ֜הוּ וְיַנִּיחֻ֤הוּ תַחְתָּיו֙ וְיַֽעֲמֹ֔ד מִ מְּקֹומֹ֖ו לֹ֣א יָמִ֑ישׁ אַף יִצְעַ֤ק אֵלָיו֙וְלֹ֣א יַעֲנֶ֔ה מִ צָּרָתֹ֖ו לֹ֥א יֹושִׁיעֶֽנּוּ
|
|
זִכְר֥וּ רִאשֹׁנֹ֖ות מֵ עֹולָ֑ם כִּ֣יאָנֹכִ֥י אֵל֙ וְאֵ֣ין עֹ֔וד אֱלֹהִ֖ים וְאֶ֥פֶס כָּמֹֽונִי
|
|
מַגִּ֤יד מֵֽ רֵאשִׁית֙ אַחֲרִ֔ית וּמִ קֶּ֖דֶם אֲשֶׁ֣רלֹא נַעֲשׂ֑וּ אֹמֵר֙ עֲצָתִ֣י תָק֔וּם וְכָל חֶפְצִ֖י אֶעֱשֶֽׂה
|
|
קֹרֵ֤א מִ מִּזְרָח֙ עַ֔יִט מֵ אֶ֥רֶץ מֶרְחָ֖ק אִ֣ישׁ עֲצָתִ֑י אַף דִּבַּ֨רְתִּי֙ אַף אֲבִיאֶ֔נָּה יָצַ֖רְתִּי אַף אֶעֱשֶֽׂנָּה
|