|
וַֽיְבָרֲכ֖וּ הָעָ֑ם לְכֹל֙ הָֽאֲנָשִׁ֔ים הַמִּֽתְנַדְּבִ֔ים לָשֶׁ֖בֶת בִּירוּשָׁלִָֽם
|
|
וְאֵ֨לֶּה֙ רָאשֵׁ֣י הַמְּדִינָ֔ה אֲשֶׁ֥ריָשְׁב֖וּ בִּירוּשָׁלִָ֑ם וּבְעָרֵ֣י יְהוּדָ֗ה יָֽשְׁב֞וּ אִ֤ישׁ בַּאֲחֻזָּתֹו֙ בְּעָ֣רֵיהֶ֔ם יִשְׂרָאֵ֤ל הַכֹּהֲנִים֙ וְהַלְוִיִּ֣ם וְהַנְּתִינִ֔ים וּבְנֵ֖י עַבְדֵ֥י שְׁלֹמֹֽה
|
|
וּבִֽירוּשָׁלִַ֨ם֙ יָֽשְׁב֔וּ מִ בְּנֵ֥י יְהוּדָ֖ה וּמִ בְּנֵ֣י בִנְיָמִ֑ן מִ בְּנֵ֣י יְ֠הוּדָה עֲתָיָ֨ה בֶן עֻזִּיָּ֜ה בֶּן זְכַרְיָ֧ה בֶן אֲמַרְיָ֛ה בֶּן שְׁפַטְיָ֥ה בֶן מַהֲלַלְאֵ֖ל מִ בְּנֵי פָֽרֶץ
|
|
וּמַעֲשֵׂיָ֣ה בֶן בָּר֣וּךְ בֶּן כָּל־֠חֹזֶה בֶּן חֲזָיָ֨ה בֶן עֲדָיָ֧ה בֶן יֹויָרִ֛יב בֶּן זְכַרְיָ֖ה בֶּן הַשִּׁלֹנִֽי
|
|
כָּל בְּנֵי פֶ֕רֶץ הַיֹּשְׁבִ֖ים בִּירוּשָׁלִָ֑ם אַרְבַּ֥ע מֵאֹ֛ות שִׁשִּׁ֥ים וּשְׁמֹנָ֖ה אַנְשֵׁי חָֽיִל
|
|
וְאֵ֖לֶּה בְּנֵ֣י בִנְיָמִ֑ן סַלֻּ֡א בֶּן מְשֻׁלָּ֡ם בֶּן יֹועֵ֡ד בֶּן פְּדָיָה֩ בֶן קֹ֨ולָיָ֧ה בֶן מַעֲשֵׂיָ֛ה בֶּן אִֽיתִיאֵ֖ל בֶּן יְשַֽׁעְיָֽה
|
|
וְיֹואֵ֥ל בֶּן זִכְרִ֖י פָּקִ֣יד עֲלֵיהֶ֑ם וִיהוּדָ֧ה בֶן הַסְּנוּאָ֛ה עַל הָעִ֖יר מִשְׁנֶֽה
|
|
שְׂרָיָ֨ה בֶן חִלְקִיָּ֜ה בֶּן מְשֻׁלָּ֣ם בֶּן צָדֹ֗וק בֶּן מְרָיֹות֙ בֶּן אֲחִיט֔וּב נְגִ֖ד בֵּ֥ית הָאֱלֹהִֽים
|
|
וַאֲחֵיהֶ֗ם עֹשֵׂ֤י הַמְּלָאכָה֙ לַבַּ֔יִת שְׁמֹנֶ֥ה מֵאֹ֖ות עֶשְׂרִ֣ים וּשְׁנָ֑יִם וַ֠עֲדָיָה בֶּן יְרֹחָ֤ם בֶּן פְּלַלְיָה֙ בֶּן אַמְצִ֣י בֶן זְכַרְיָ֔ה בֶּן פַּשְׁח֖וּר בֶּן מַלְכִּיָּֽה
|
|
וְאֶחָיו֙ רָאשִׁ֣ים לְאָבֹ֔ות מָאתַ֖יִם אַרְבָּעִ֣ים וּשְׁנָ֑יִם וַעֲמַשְׁסַ֧י בֶּן עֲזַרְאֵ֛ל בֶּן אַחְזַ֥י בֶּן מְשִׁלֵּמֹ֖ות בֶּן אִמֵּֽר
|
|
וַאֲחֵיהֶם֙ גִּבֹּ֣ורֵי חַ֔יִל מֵאָ֖ה עֶשְׂרִ֣ים וּשְׁמֹנָ֑ה וּפָקִ֣יד עֲלֵיהֶ֔ם זַבְדִּיאֵ֖ל בֶּן הַגְּדֹולִֽים
|
|
וּמִֽן הַלְוִיִּ֑ם שְׁמַעְיָ֧ה בֶן חַשּׁ֛וּב בֶּן עַזְרִיקָ֥ם בֶּן חֲשַׁבְיָ֖ה בֶּן בּוּנִּֽי
|
|
וְשַׁבְּתַ֨י וְיֹוזָבָ֜ד עַל הַמְּלָאכָ֤ה הַחִֽיצֹנָה֙ לְבֵ֣ית הָאֱלֹהִ֔ים מֵ רָאשֵׁ֖י הַלְוִיִּֽם
|
|
וּמַתַּנְיָ֣ה בֶן מִ֠יכָה בֶּן זַבְדִּ֨י בֶן אָסָ֜ף רֹ֗אשׁ הַתְּחִלָּה֙ יְהֹודֶ֣ה לַתְּפִלָּ֔ה וּבַקְבֻּקְיָ֖ה מִשְׁנֶ֣ה מֵ אֶחָ֑יו וְעַבְדָּא֙ בֶּן שַׁמּ֔וּעַ בֶּן גָּלָ֖ל בֶּן יְדוּתֽוּן
|
|
וְהַשֹּֽׁועֲרִים֙ עַקּ֣וּב טַלְמֹ֔ון וַאֲחֵיהֶ֖ם הַשֹּׁמְרִ֣ים בַּשְּׁעָרִ֑ים מֵאָ֖ה שִׁבְעִ֥ים וּשְׁנָֽיִם
|
|
וּשְׁאָ֨ר יִשְׂרָאֵ֜ל הַכֹּהֲנִ֤ים הַלְוִיִּם֙ בְּכָל עָרֵ֣י יְהוּדָ֔ה אִ֖ישׁ בְּנַחֲלָתֹֽו
|
|
וּפְקִ֤יד הַלְוִיִּם֙ בִּיר֣וּשָׁלִַ֔ם עֻזִּ֤י בֶן בָּנִי֙ בֶּן חֲשַׁבְיָ֔ה בֶּן מַתַּנְיָ֖ה בֶּן מִיכָ֑א מִ בְּנֵ֤י אָסָף֙ הַמְשֹׁ֣רְרִ֔ים לְנֶ֖גֶד מְלֶ֥אכֶת בֵּית הָאֱלֹהִֽים
|
|
וּפְתַֽחְיָ֨ה בֶּן מְשֵֽׁיזַבְאֵ֜ל מִ בְּנֵי זֶ֤רַח בֶּן יְהוּדָה֙ לְיַ֣ד הַמֶּ֔לֶךְ לְכָל דָּבָ֖ר לָעָֽם
|
|
וְאֶלהַחֲצֵרִ֖ים בִּשְׂדֹתָ֑ם מִ בְּנֵ֣י יְהוּדָ֗ה יָֽשְׁב֞וּ בְּקִרְיַ֤ת הָֽאַרְבַּע֙ וּבְנֹתֶ֔יהָ וּבְדִיבֹן֙ וּבְנֹתֶ֔יהָ וּבִֽיקַּבְצְאֵ֖ל וַחֲצֵרֶֽיהָ
|
|
זָנֹ֤חַ עֲדֻלָּם֙ וְחַצְרֵיהֶ֔ם לָכִישׁ֙ וּשְׂדֹתֶ֔יהָ עֲזֵקָ֖ה וּבְנֹתֶ֑יהָ וַיַּחֲנ֥וּ מִ בְּאֵֽר שֶׁ֖בַע עַד גֵּֽיא הִנֹּֽם
|