|
וְזֹ֣את הַמִּצְוָ֗ה הַֽחֻקִּים֙ וְהַמִּשְׁפָּטִ֔ים אֲשֶׁ֥רצִוָּ֛ה יְהוָ֥ה אֱלֹהֵיכֶ֖ם לְלַמֵּ֣ד אֶתְכֶ֑ם לַעֲשֹׂ֣ות בָּאָ֔רֶץ אֲשֶׁ֥ראַתֶּ֛ם עֹבְרִ֥ים שָׁ֖מָּה לְרִשְׁתָּֽהּ
|
|
לְמַ֨עַןתִּירָ֜א אֶת יְהוָ֣ה אֱלֹהֶ֗יךָ לִ֠שְׁמֹר אֶת כָּל חֻקֹּתָ֣יו וּמִצְוֹתָיו֮ אֲשֶׁ֣ראָנֹכִ֣י מְצַוֶּךָ֒ אַתָּה֙ וּבִנְךָ֣ וּבֶן בִּנְךָ֔ כֹּ֖ל יְמֵ֣י חַיֶּ֑יךָ וּלְמַ֖עַןיַאֲרִכֻ֥ן יָמֶֽיךָ
|
|
וְשָׁמַעְתָּ֤ יִשְׂרָאֵל֙ וְשָׁמַרְתָּ֣ לַעֲשֹׂ֔ות אֲשֶׁר֙יִיטַ֣ב לְךָ֔וַאֲשֶׁ֥רתִּרְבּ֖וּן מְאֹ֑ד כַּ אֲשֶׁר֩דִּבֶּ֨ר יְהוָ֜ה אֱלֹהֵ֤י אֲבֹתֶ֨יךָ֙ לָ֔ךְאֶ֛רֶץ זָבַ֥ת חָלָ֖ב וּדְבָֽשׁ
|
|
וְשִׁנַּנְתָּ֣ם לְבָנֶ֔יךָ וְדִבַּרְתָּ֖ בָּ֑םבְּשִׁבְתְּךָ֤ בְּבֵיתֶ֨ךָ֙ וּבְלֶכְתְּךָ֣ בַדֶּ֔רֶךְ וּֽבְשָׁכְבְּךָ֖ וּבְקוּמֶֽךָ
|
|
וְהָיָ֞ה כִּ֥ייְבִיאֲךָ֣ יְהוָ֣ה אֱלֹהֶ֗יךָ אֶלהָאָ֜רֶץ אֲשֶׁ֨רנִשְׁבַּ֧ע לַאֲבֹתֶ֛יךָ לְאַבְרָהָ֛ם לְיִצְחָ֥ק וּֽלְיַעֲקֹ֖ב לָ֣תֶת לָ֑ךְעָרִ֛ים גְּדֹלֹ֥ת וְטֹבֹ֖ת אֲשֶׁ֥רלֹא בָנִֽיתָ
|
|
וּבָ֨תִּ֜ים מְלֵאִ֣ים כָּל טוּב֮ אֲשֶׁ֣רלֹא מִלֵּאתָ֒ וּבֹרֹ֤ת חֲצוּבִים֙ אֲשֶׁ֣רלֹא חָצַ֔בְתָּ כְּרָמִ֥ים וְזֵיתִ֖ים אֲשֶׁ֣רלֹא נָטָ֑עְתָּ וְאָכַלְתָּ֖ וְשָׂבָֽעְתָּ
|
|
הִשָּׁ֣מֶר לְךָ֔פֶּןתִּשְׁכַּ֖ח אֶת יְהוָ֑ה אֲשֶׁ֧רהֹוצִֽיאֲךָ֛ מֵ אֶ֥רֶץ מִצְרַ֖יִם מִ בֵּ֥ית עֲבָדִֽים
|
|
לֹ֣א תֵֽלְכ֔וּן אַחֲרֵ֖י אֱלֹהִ֣ים אֲחֵרִ֑ים מֵ אֱלֹהֵי֙ הָֽעַמִּ֔ים אֲשֶׁ֖רסְבִיבֹותֵיכֶֽם
|
|
כִּ֣יאֵ֥ל קַנָּ֛א יְהוָ֥ה אֱלֹהֶ֖יךָ בְּקִרְבֶּ֑ךָ פֶּןיֶ֠חֱרֶה אַף יְהוָ֤ה אֱלֹהֶ֨יךָ֙ בָּ֔ךְוְהִשְׁמִ֣ידְךָ֔ מֵ עַ֖ל פְּנֵ֥י הָאֲדָמָֽה
|
|
שָׁמֹ֣ור תִּשְׁמְר֔וּן אֶת מִצְוֹ֖ת יְהוָ֣ה אֱלֹהֵיכֶ֑ם וְעֵדֹתָ֥יו וְחֻקָּ֖יו אֲשֶׁ֥רצִוָּֽךְ
|
|
וְעָשִׂ֛יתָ הַיָּשָׁ֥ר וְהַטֹּ֖וב בְּעֵינֵ֣י יְהוָ֑ה לְמַ֨עַן֙יִ֣יטַב לָ֔ךְוּבָ֗אתָ וְיָֽרַשְׁתָּ֙ אֶת הָאָ֣רֶץ הַטֹּבָ֔ה אֲשֶׁרנִשְׁבַּ֥ע יְהוָ֖ה לַאֲבֹתֶֽיךָ
|
|
כִּֽייִשְׁאָלְךָ֥ בִנְךָ֛ מָחָ֖ר לֵאמֹ֑ר מָ֣ה הָעֵדֹ֗ת וְהַֽחֻקִּים֙ וְהַמִּשְׁפָּטִ֔ים אֲשֶׁ֥רצִוָּ֛ה יְהוָ֥ה אֱלֹהֵ֖ינוּ אֶתְכֶֽם
|
|
וְאָמַרְתָּ֣ לְבִנְךָ֔ עֲבָדִ֛ים הָיִ֥ינוּ לְפַרְעֹ֖ה בְּמִצְרָ֑יִם וַיֹּוצִיאֵ֧נוּ יְהוָ֛ה מִ מִּצְרַ֖יִם בְּיָ֥ד חֲזָקָֽה
|
|
וַיִּתֵּ֣ן יְהוָ֡ה אֹותֹ֣ת וּ֠מֹפְתִים גְּדֹלִ֨ים וְרָעִ֧ים בְּמִצְרַ֛יִם בְּפַרְעֹ֥ה וּבְכָל בֵּיתֹ֖ו לְעֵינֵֽינוּ
|
|
וְאֹותָ֖נוּ הֹוצִ֣יא מִ שָּׁ֑ם לְמַ֨עַן֙ הָבִ֣יא אֹתָ֔נוּ לָ֤תֶת לָ֨נוּ֙אֶת הָאָ֔רֶץ אֲשֶׁ֥רנִשְׁבַּ֖ע לַאֲבֹתֵֽינוּ
|
|
וַיְצַוֵּ֣נוּ יְהוָ֗ה לַעֲשֹׂות֙ אֶת כָּל הַחֻקִּ֣ים הָאֵ֔לֶּה לְיִרְאָ֖ה אֶת יְהוָ֣ה אֱלֹהֵ֑ינוּ לְטֹ֥וב לָ֨נוּ֙כָּל הַיָּמִ֔ים לְחַיֹּתֵ֖נוּ כְּ הַיֹּ֥ום הַזֶּֽה
|