pro 15:1

מַֽעֲנֶה רַּ֭ךְ יָשִׁ֣יב חֵמָ֑ה וּדְבַר עֶ֝֗צֶב יַעֲלֶה אָֽף

pro 15:2

לְשֹׁ֣ון חֲ֭כָמִים תֵּיטִ֣יב דָּ֑עַת וּפִ֥י כְ֝סִילִ֗ים יַבִּ֥יעַ אִוֶּֽלֶת

pro 15:3

בְּֽכָל מָ֭קֹום עֵינֵ֣י יְהוָ֑ה צֹ֝פֹ֗ות רָעִ֥ים וטֹובִֽים

pro 15:4

מַרְפֵּ֣א לָ֭שֹׁון עֵ֣ץ חַיִּ֑ים וְסֶ֥לֶף בָּ֝֗הּשֶׁ֣בֶר בְּרֽוּחַ

pro 15:5

אֱוִ֗יל יִ֭נְאַץ מוּסַ֣ר אָבִ֑יו וְשֹׁמֵ֖ר תֹּוכַ֣חַת יַעְרִֽם

pro 15:6

בֵּ֣ית צַ֭דִּיק חֹ֣סֶן רָ֑ב וּבִתְבוּאַ֖ת רָשָׁ֣ע נֶעְכָּֽרֶת

pro 15:7

שִׂפְתֵ֣י חֲ֭כָמִים יְזָ֣רוּ דָ֑עַת וְלֵ֖ב כְּסִילִ֣ים לֹא כֵֽן

pro 15:8

זֶ֣בַח רְ֭שָׁעִים תֹּועֲבַ֣ת יְהוָ֑ה וּתְפִלַּ֖ת יְשָׁרִ֣ים רְצֹונֹֽו

pro 15:9

תֹּועֲבַ֣ת יְ֭הוָה דֶּ֣רֶךְ רָשָׁ֑ע וּמְרַדֵּ֖ף צְדָקָ֣ה יֶאֱהָֽב

pro 15:10

מוּסָ֣ר רָ֭ע לְעֹזֵ֣ב אֹ֑רַח שֹׂונֵ֖א תֹוכַ֣חַת יָמֽוּת

pro 15:11

שְׁאֹ֣ול וַ֭אֲבַדֹּון נֶ֣גֶד יְהוָ֑ה אַ֝֗ף כִּֽילִבֹּ֥ות בְּֽנֵי אָדָֽם

pro 15:12

לֹ֣א יֶאֱהַב לֵ֭ץ הֹוכֵ֣חַֽ לֹ֑ואֶלחֲ֝כָמִ֗ים לֹ֣א יֵלֵֽךְ

pro 15:13

לֵ֣ב שָׂ֭מֵחַ יֵיטִ֣ב פָּנִ֑ים וּבְעַצְּבַת לֵ֝ב ר֣וּחַ נְכֵאָֽה

pro 15:14

לֵ֣ב נָ֭בֹון יְבַקֶּשׁ דָּ֑עַת וּפִ֥י כְ֝סִילִ֗ים יִרְעֶ֥ה אִוֶּֽלֶת

pro 15:15

כָּל יְמֵ֣י עָנִ֣י רָעִ֑ים וְטֹֽוב לֵ֝֗ב מִשְׁתֶּ֥ה תָמִֽיד

pro 15:16

טֹוב מְ֭עַט בְּיִרְאַ֣ת יְהוָ֑ה מֵ אֹוצָ֥ר רָ֝֗ב וּמְה֥וּמָה

pro 15:17

בֹֽוטֹ֤וב אֲרֻחַ֣ת יָ֭רָק וְאַהֲבָה שָׁ֑ם מִ שֹּׁ֥ור אָ֝ב֗וּס וְשִׂנְאָה

pro 15:18

בֹֽואִ֣ישׁ חֵ֭מָה יְגָרֶ֣ה מָדֹ֑ון וְאֶ֥רֶך אַ֝פַּ֗יִם יַשְׁקִ֥יט רִֽיב

pro 15:19

דֶּ֣רֶךְ עָ֭צֵל כִּ מְשֻׂ֣כַת חָ֑דֶק וְאֹ֖רַח יְשָׁרִ֣ים סְלֻלָֽה

pro 15:20

בֵּ֣ן חָ֭כָם יְשַׂמַּח אָ֑ב וּכְסִ֥יל אָ֝דָ֗ם בֹּוזֶ֥ה אִמֹּֽו

pro 15:21

אִ֭וֶּלֶת שִׂמְחָ֣ה לַחֲסַר לֵ֑ב וְאִ֥ישׁ תְּ֝בוּנָ֗ה יְיַשֶּׁר לָֽכֶת

pro 15:22

הָפֵ֣ר מַ֭חֲשָׁבֹות בְּאֵ֣ין סֹ֑וד וּבְרֹ֖ב יֹועֲצִ֣ים תָּקֽוּם

pro 15:23

שִׂמְחָ֣ה לָ֭אִישׁ בְּמַעֲנֵה פִ֑יו וְדָבָ֖ר בְּעִתֹּ֣ו מַה טֹּֽוב

pro 15:24

אֹ֣רַח חַ֭יִּים לְמַ֣עְלָה לְמַשְׂכִּ֑יל לְמַ֥עַן ס֝֗וּר מִ שְּׁאֹ֥ול מָֽטָּה

pro 15:25

בֵּ֣ית גֵּ֭אִים יִסַּ֥ח יְהוָ֑ה וְ֝יַצֵּ֗ב גְּב֣וּל אַלְמָנָֽה

pro 15:26

תֹּועֲבַ֣ת יְ֭הוָה מַחְשְׁבֹ֣ות רָ֑ע וּ֝טְהֹרִ֗ים אִמְרֵי נֹֽעַם

pro 15:27

עֹכֵ֣ר בֵּ֭יתֹו בֹּוצֵ֣עַ בָּ֑צַע וְשֹׂונֵ֖א מַתָּנֹ֣ת יִחְיֶֽה

pro 15:28

לֵ֣ב צַ֭דִּיק יֶהְגֶּ֣ה לַעֲנֹ֑ות וּפִ֥י רְ֝שָׁעִ֗ים יַבִּ֥יעַ רָעֹֽות

pro 15:29

רָחֹ֣וק יְ֭הוָה מֵ רְשָׁעִ֑ים וּתְפִלַּ֖ת צַדִּיקִ֣ים יִשְׁמָֽע

pro 15:30

מְֽאֹור עֵ֭ינַיִם יְשַׂמַּֽח לֵ֑ב שְׁמוּעָ֥ה טֹ֝ובָ֗ה תְּדַשֶּׁן עָֽצֶם

pro 15:31

אֹ֗זֶן שֹׁ֖מַעַת תֹּוכַ֣חַת חַיִּ֑ים בְּקֶ֖רֶב חֲכָמִ֣ים תָּלִֽין

pro 15:32

פֹּורֵ֣עַ מ֖וּסָר מֹואֵ֣ס נַפְשֹׁ֑ו וְשֹׁומֵ֥עַ תֹּ֝וכַ֗חַת קֹ֣ונֶה לֵּֽב

pro 15:33

יִרְאַ֣ת יְ֭הוָה מוּסַ֣ר חָכְמָ֑ה וְלִפְנֵ֖י כָבֹ֣וד עֲנָוָֽה