pro 26:1

כַּ שֶּׁ֤לֶג בַּקַּ֗יִץ וְכַ מָּטָ֥ר בַּקָּצִ֑יר כֵּ֤ן לֹא נָאוֶ֖ה לִכְסִ֣יל כָּבֹֽוד

pro 26:2

כַּ צִּפֹּ֣ור לָ֭נוּד כַּ דְּרֹ֣ור לָע֑וּף כֵּ֥ן קִֽלְלַ֥ת חִ֝נָּ֗ם לֹ֣ותָבֹֽא

pro 26:3

שֹׁ֣וט לַ֭סּוּס מֶ֣תֶג לַחֲמֹ֑ור וְ֝שֵׁ֗בֶט לְגֵ֣ו כְּסִילִֽים

pro 26:4

אַל תַּ֣עַן כְּ֭סִיל כְּ אִוַּלְתֹּ֑ו פֶּֽןתִּשְׁוֶה לֹּ֥וגַם אָֽתָּה

pro 26:5

עֲנֵ֣ה כְ֭סִיל כְּ אִוַּלְתֹּ֑ו פֶּןיִהְיֶ֖ה חָכָ֣ם בְּעֵינָֽיו

pro 26:6

מְקַצֶּ֣ה רַ֭גְלַיִם חָמָ֣ס שֹׁתֶ֑ה שֹׁלֵ֖חַ דְּבָרִ֣ים בְּיַד כְּסִֽיל

pro 26:7

דַּלְי֣וּ שֹׁ֖קַיִם מִ פִּסֵּ֑חַ וּ֝מָשָׁ֗ל בְּפִ֣י כְסִילִֽים

pro 26:8

כִּ צְרֹ֣ור אֶ֭בֶן בְּמַרְגֵּמָ֑ה כֵּן נֹותֵ֖ן לִכְסִ֣יל כָּבֹֽוד

pro 26:9

חֹ֭וחַ עָלָ֣ה בְיַד שִׁכֹּ֑ור וּ֝מָשָׁ֗ל בְּפִ֣י כְסִילִֽים

pro 26:10

רַ֥ב מְחֹֽולֵֽל כֹּ֑ל וְשֹׂכֵ֥ר כְּ֝סִ֗יל וְשֹׂכֵ֥ר עֹבְרִֽים

pro 26:11

כְּ֭ כֶלֶב שָׁ֣ב עַל קֵאֹ֑ו כְּ֝סִ֗יל שֹׁונֶ֥ה בְאִוַּלְתֹּֽו

pro 26:12

רָאִ֗יתָ אִ֭ישׁ חָכָ֣ם בְּעֵינָ֑יו תִּקְוָ֖ה לִכְסִ֣יל מִמֶּֽנּוּ

pro 26:13

אָמַ֣ר עָ֭צֵל שַׁ֣חַל בַּדָּ֑רֶךְ אֲ֝רִ֗י בֵּ֣ין הָרְחֹבֹֽות

pro 26:14

הַ֭דֶּלֶת תִּסֹּ֣וב עַל צִירָ֑הּ וְ֝עָצֵ֗ל עַל מִטָּתֹֽו

pro 26:15

טָ֘מַ֤ן עָצֵ֣ל יָ֭דֹו בַּצַּלָּ֑חַת נִ֝לְאָ֗ה לַֽהֲשִׁיבָ֥הּ אֶלפִּֽיו

pro 26:16

חָכָ֣ם עָצֵ֣ל בְּעֵינָ֑יו מִ֝ שִּׁבְעָ֗ה מְשִׁ֣יבֵי טָֽעַם

pro 26:17

מַחֲזִ֥יק בְּאָזְנֵי כָ֑לֶב עֹבֵ֥ר מִ֝תְעַבֵּ֗ר עַל רִ֥יב לֹּֽא

pro 26:18

לֹֽוכְּֽ֭ מִתְלַהְלֵהַּ הַיֹּרֶ֥ה זִקִּ֗ים חִצִּ֥ים וָמָֽוֶת

pro 26:19

כֵּֽן אִ֭ישׁ רִמָּ֣ה אֶת רֵעֵ֑הוּ וְ֝אָמַ֗ר הֲֽ לֹא מְשַׂחֵ֥ק אָֽנִי

pro 26:20

בְּאֶ֣פֶס עֵ֭צִים תִּכְבֶּה אֵ֑שׁ וּבְאֵ֥ין נִ֝רְגָּ֗ן יִשְׁתֹּ֥ק מָדֹֽון

pro 26:21

פֶּחָ֣ם לְ֭גֶחָלִים וְעֵצִ֣ים לְאֵ֑שׁ וְאִ֥ישׁ מִ֝דְיָנִ֗ים לְחַרְחַר רִֽיב

pro 26:22

דִּבְרֵ֣י נִ֭רְגָּן כְּ מִֽתְלַהֲמִ֑ים וְ֝הֵ֗ם יָרְד֥וּ חַדְרֵי בָֽטֶן

pro 26:23

כֶּ֣סֶף סִ֭יגִים מְצֻפֶּ֣ה עַל חָ֑רֶשׂ שְׂפָתַ֖יִם דֹּלְקִ֣ים וְלֶב רָֽע

pro 26:24

בִּ֭שְׂפָתָיו יִנָּכֵ֣ר שֹׂונֵ֑א וּ֝בְקִרְבֹּ֗ו יָשִׁ֥ית מִרְמָֽה

pro 26:25

כִּֽייְחַנֵּ֣ן קֹ֖ולֹו אַל תַּֽאֲמֶן בֹּ֑וכִּ֤ישֶׁ֖בַע תֹּועֵבֹ֣ות בְּלִבֹּֽו

pro 26:26

תִּכַּסֶּ֣ה שִׂ֭נְאָה בְּמַשָּׁאֹ֑ון תִּגָּלֶ֖ה רָעָתֹ֣ו בְקָהָֽל

pro 26:27

כֹּֽרֶה שַּׁ֭חַת בָּ֣הּיִפֹּ֑ל וְגֹ֥לֵ֥ל אֶ֝בֶן אֵלָ֥יותָּשֽׁוּב

pro 26:28

לְֽשֹׁון שֶׁ֭קֶר יִשְׂנָ֣א דַכָּ֑יו וּפֶ֥ה חָ֝לָ֗ק יַעֲשֶׂ֥ה מִדְחֶֽה