job 12:1

וַיַּ֥עַן אִיֹּ֗וב וַיֹּאמַֽר

job 12:2

אָ֭מְנָם כִּ֣יאַתֶּם עָ֑ם וְ֝עִמָּכֶ֗ם תָּמ֥וּת חָכְמָֽה

job 12:3

גַּם לִ֤ילֵבָ֨ב כְּֽמֹוכֶ֗ם לֹא נֹפֵ֣ל אָנֹכִ֣י מִכֶּ֑ם וְאֶת מִי אֵ֥ין כְּמֹו אֵֽלֶּה

job 12:4

שְׂחֹ֤ק לְרֵעֵ֨הוּ אֶֽהְיֶ֗ה קֹרֵ֣א לֶ֭אֱלֹוהַּ וַֽיַּעֲנֵ֑הוּ שְׂ֝חֹ֗וק צַדִּ֥יק תָּמִֽים

job 12:5

לַפִּ֣יד בּ֭וּז לְעַשְׁתּ֣וּת שַׁאֲנָ֑ן נָ֝כֹ֗ון לְמֹ֣ועֲדֵי רָֽגֶל

job 12:6

יִשְׁלָ֤יוּ אֹֽהָלִ֨ים לְשֹׁ֥דְדִ֗ים וּֽ֭בַטֻּחֹות לְמַרְגִּ֣יזֵי אֵ֑ל לַאֲשֶׁ֤רהֵבִ֖יא אֱלֹ֣והַּ בְּיָדֹֽו

job 12:7

וְֽאוּלָ֗ם שְׁאַל נָ֣א בְהֵמֹ֣ות וְתֹרֶ֑ךָּ וְעֹ֥וף הַ֝שָּׁמַ֗יִם וְיַגֶּד

job 12:8

לָֽךְאֹ֤ושִׂ֣יחַ לָאָ֣רֶץ וְתֹרֶ֑ךָּ וִֽיסַפְּר֥וּ לְ֝ךָ֗דְּגֵ֣י הַיָּֽם

job 12:9

מִ֭י לֹא יָדַ֣ע בְּכָל אֵ֑לֶּה כִּ֥ייַד יְ֝הוָה עָ֣שְׂתָה זֹּֽאת

job 12:10

אֲשֶׁ֣רבְּ֭יָדֹו נֶ֣פֶשׁ כָּל חָ֑י וְ֝ר֗וּחַ כָּל בְּשַׂר אִֽישׁ

job 12:11

הֲ לֹא אֹ֭זֶן מִלִּ֣ין תִּבְחָ֑ן וְ֝חֵ֗ךְ אֹ֣כֶל יִטְעַם

job 12:12

לֹֽובִּֽישִׁישִׁ֥ים חָכְמָ֑ה וְאֹ֖רֶךְ יָמִ֣ים תְּבוּנָֽה

job 12:13

עִ֭מֹּו חָכְמָ֣ה וּגְבוּרָ֑ה לֹ֝֗ועֵצָ֥ה וּתְבוּנָֽה

job 12:14

הֵ֣ן יַ֭הֲרֹוס וְלֹ֣א יִבָּנֶ֑ה יִסְגֹּ֥ר עַל אִ֝֗ישׁ וְלֹ֣א יִפָּתֵֽחַ

job 12:15

הֵ֤ן יַעְצֹ֣ר בַּמַּ֣יִם וְיִבָ֑שׁוּ וִֽ֝ישַׁלְּחֵ֗ם וְיַ֖הַפְכוּ אָֽרֶץ

job 12:16

עִ֭מֹּו עֹ֣ז וְתוּשִׁיָּ֑ה לֹ֝֗ושֹׁגֵ֥ג וּמַשְׁגֶּֽה

job 12:17

מֹולִ֣יךְ יֹועֲצִ֣ים שֹׁולָ֑ל וְֽשֹׁפְטִ֥ים יְהֹולֵֽל

job 12:18

מוּסַ֣ר מְלָכִ֣ים פִּתֵּ֑חַ וַיֶּאְסֹ֥ר אֵ֝זֹ֗ור בְּמָתְנֵיהֶֽם

job 12:19

מֹולִ֣יךְ כֹּהֲנִ֣ים שֹׁולָ֑ל וְאֵֽתָנִ֣ים יְסַלֵּֽף

job 12:20

מֵסִ֣יר שָׂ֭פָה לְנֶאֱמָנִ֑ים וְטַ֖עַם זְקֵנִ֣ים יִקָּֽח

job 12:21

שֹׁופֵ֣ךְ בּ֭וּז עַל נְדִיבִ֑ים וּמְזִ֖יחַ אֲפִיקִ֣ים רִפָּֽה

job 12:22

מְגַלֶּ֣ה עֲ֭מֻקֹות מִנִּי חֹ֑שֶׁךְ וַיֹּצֵ֖א לָאֹ֣ור צַלְמָֽוֶת

job 12:23

מַשְׂגִּ֣יא לַ֭גֹּויִם וַֽיְאַבְּדֵ֑ם שֹׁטֵ֥חַ לַ֝גֹּויִ֗ם וַיַּנְחֵֽם

job 12:24

מֵסִ֗יר לֵ֭ב רָאשֵׁ֣י עַם הָאָ֑רֶץ וַ֝יַּתְעֵ֗ם בְּתֹ֣הוּ לֹא דָֽרֶךְ

job 12:25

יְמַֽשְׁשׁוּ חֹ֥שֶׁךְ וְלֹא אֹ֑ור וַ֝יַּתְעֵ֗ם כַּ שִּׁכֹּֽור