job 30:1

וְעַתָּ֤ה שָֽׂחֲק֣וּ עָלַי֮ צְעִירִ֥ים מִמֶּ֗נִּי לְיָ֫מִ֥ים אֲשֶׁרמָאַ֥סְתִּי אֲבֹותָ֑ם לָ֝שִׁ֗ית עִם כַּלְבֵ֥י צֹאנִֽי

job 30:2

גַּם כֹּ֣חַ יְ֭דֵיהֶם לָ֣מָּה לִּ֑יעָ֝לֵ֗ימֹו אָ֣בַד כָּֽלַח

job 30:3

בְּחֶ֥סֶר וּבְכָפָ֗ן גַּ֫לְמ֥וּד הַֽעֹרְקִ֥ים צִיָּ֑ה אֶ֝֗מֶשׁ שֹׁואָ֥ה וּמְשֹׁאָֽה

job 30:4

הַקֹּטְפִ֣ים מַלּ֣וּחַ עֲלֵי שִׂ֑יחַ וְשֹׁ֖רֶשׁ רְתָמִ֣ים לַחְמָֽם

job 30:5

מִן גֵּ֥ו יְגֹרָ֑שׁוּ יָרִ֥יעוּ עָ֝לֵ֗ימֹו כַּ גַּנָּֽב

job 30:6

בַּעֲר֣וּץ נְחָלִ֣ים לִשְׁכֹּ֑ן חֹרֵ֖י עָפָ֣ר וְכֵפִֽים

job 30:7

בֵּין שִׂיחִ֥ים יִנְהָ֑קוּ תַּ֖חַת חָר֣וּל יְסֻפָּֽחוּ

job 30:8

בְּֽנֵי נָ֭בָל גַּם בְּנֵ֣י בְלִי שֵׁ֑ם נִ֝כְּא֗וּ מִן הָאָֽרֶץ

job 30:9

וְ֭עַתָּה נְגִינָתָ֣ם הָיִ֑יתִי וָאֱהִ֖י לָהֶ֣םלְמִלָּֽה

job 30:10

תִּֽ֭עֲבוּנִי רָ֣חֲקוּ מֶ֑נִּי וּ֝מִ פָּנַ֗י לֹא חָ֥שְׂכוּ רֹֽק

job 30:11

כִּֽייִתְרִ֣י פִ֭תַּח וַיְעַנֵּ֑נִי וְ֝רֶ֗סֶן מִ פָּנַ֥י שִׁלֵּֽחוּ

job 30:12

עַל יָמִין֮ פִּרְחַ֪ח יָ֫ק֥וּמוּ רַגְלַ֥י שִׁלֵּ֑חוּ וַיָּסֹ֥לּוּ עָ֝לַ֗י אָרְחֹ֥ות אֵידָֽם

job 30:13

נָתְס֗וּ נְֽתִיבָ֫תִ֥י לְהַוָּתִ֥י יֹעִ֑ילוּ לֹ֖א עֹזֵ֣ר

job 30:14

לָֽמֹוכְּ פֶ֣רֶץ רָחָ֣ב יֶאֱתָ֑יוּ תַּ֥חַת שֹׁ֝אָ֗ה הִתְגַּלְגָּֽלוּ

job 30:15

הָהְפַּ֥ךְ עָלַ֗י בַּלָּ֫הֹ֥ות תִּרְדֹּ֣ף כָּ֭ רוּחַ נְדִבָתִ֑י וּ֝כְ עָ֗ב עָבְרָ֥ה יְשֻׁעָתִֽי

job 30:16

וְעַתָּ֗ה עָ֭לַי תִּשְׁתַּפֵּ֣ךְ נַפְשִׁ֑י יֹ֭אחֲז֣וּנִי יְמֵי עֹֽנִי

job 30:17

לַ֗יְלָה עֲ֭צָמַי נִקַּ֣ר מֵ עָלָ֑י וְ֝עֹרְקַ֗י לֹ֣א יִשְׁכָּבֽוּן

job 30:18

בְּרָב כֹּ֖חַ יִתְחַפֵּ֣שׂ לְבוּשִׁ֑י כְּ פִ֖י כֻתָּנְתִּ֣י יַֽאַזְרֵֽנִי

job 30:19

הֹרָ֥נִי לַחֹ֑מֶר וָ֝אֶתְמַשֵּׁ֗ל כֶּ עָפָ֥ר וָאֵֽפֶר

job 30:20

אֲשַׁוַּ֣ע אֵ֭לֶיךָוְלֹ֣א תַעֲנֵ֑נִי עָ֝מַ֗דְתִּי וַתִּתְבֹּ֥נֶן

job 30:21

בִּֽיתֵּהָפֵ֣ךְ לְאַכְזָ֣ר לִ֑יבְּעֹ֖צֶם יָדְךָ֣ תִשְׂטְמֵֽנִי

job 30:22

תִּשָּׂאֵ֣נִי אֶלר֖וּחַ תַּרְכִּיבֵ֑נִי וּ֝תְמֹגְגֵ֗נִי תּוּשִׁיָּֽה

job 30:23

כִּֽייָ֭דַעְתִּי מָ֣וֶת תְּשִׁיבֵ֑נִי וּבֵ֖ית מֹועֵ֣ד לְכָל חָֽי

job 30:24

אַ֣ךְ לֹא בְ֭עִי יִשְׁלַח יָ֑ד אִםבְּ֝פִידֹ֗ו לָהֶ֥ןשֽׁוּעַ

job 30:25

אִםלֹ֣א בָ֭כִיתִי לִקְשֵׁה יֹ֑ום עָֽגְמָ֥ה נַ֝פְשִׁ֗י לָאֶבְיֹֽון

job 30:26

כִּ֤יטֹ֣וב קִ֭וִּיתִי וַיָּ֣בֹא רָ֑ע וַֽאֲיַחֲלָ֥ה לְ֝אֹ֗ור וַיָּ֥בֹא אֹֽפֶל

job 30:27

מֵעַ֖י רֻתְּח֥וּ וְלֹא דָ֗מּוּ קִדְּמֻ֥נִי יְמֵי עֹֽנִי

job 30:28

קֹדֵ֣ר הִ֭לַּכְתִּי בְּלֹ֣א חַמָּ֑ה קַ֖מְתִּי בַקָּהָ֣ל אֲשַׁוֵּֽעַ

job 30:29

אָ֭ח הָיִ֣יתִי לְתַנִּ֑ים וְ֝רֵ֗עַ לִבְנֹ֥ות יַעֲנָֽה

job 30:30

עֹ֖ורִי שָׁחַ֣ר מֵ עָלָ֑י וְעַצְמִי חָ֝֗רָה מִנִּי חֹֽרֶב

job 30:31

וַיְהִ֣י לְ֭אֵבֶל כִּנֹּרִ֑י וְ֝עֻגָבִ֗י לְקֹ֣ול בֹּכִֽים