The Lashawan Qadash

שִׁ֗יר הַֽמַּ֫עֲלֹ֥ות אַ֭שְׁרֵי כָּל יְרֵ֣א יְהוָ֑ה הַ֝הֹלֵ֗ךְ בִּדְרָכָֽיו

יְגִ֣יעַ כַּ֭פֶּיךָ כִּ֣יתֹאכֵ֑ל אַ֝שְׁרֶ֗יךָ וְטֹ֣וב

לָֽךְאֶשְׁתְּךָ֤ כְּ גֶ֥פֶן פֹּרִיָּה֮ בְּיַרְכְּתֵ֪י בֵ֫יתֶ֥ךָ בָּ֭נֶיךָ כִּ שְׁתִלֵ֣י זֵיתִ֑ים סָ֝בִ֗יב לְשֻׁלְחָנֶֽךָ

הִנֵּ֣ה כִיכֵ֭ן יְבֹ֥רַךְ גָּ֗בֶר יְרֵ֣א יְהוָֽה

יְבָרֶכְךָ֥ יְהוָ֗ה מִ צִּ֫יֹּ֥ון וּ֭רְאֵה בְּט֣וּב יְרוּשָׁלִָ֑ם כֹּ֝֗ל יְמֵ֣י חַיֶּֽיךָ

וּרְאֵֽה בָנִ֥ים לְבָנֶ֑יךָ שָׁ֝לֹ֗ום עַל יִשְׂרָאֵֽל