psa 6:1

לַמְנַצֵּ֣חַ בִּ֭נְגִינֹות עַֽל הַשְּׁמִינִ֗ית מִזְמֹ֥ור לְדָוִֽד יְֽהוָ֗ה אַל בְּאַפְּךָ֥ תֹוכִיחֵ֑נִי וְֽאַל בַּחֲמָתְךָ֥ תְיַסְּרֵֽנִי

psa 6:2

חָנֵּ֥נִי יְהוָה֮ כִּ֤יאֻמְלַ֫ל אָ֥נִי רְפָאֵ֥נִי יְהוָ֑ה כִּ֖ינִבְהֲל֣וּ עֲצָמָֽי

psa 6:3

וְ֭נַפְשִׁי נִבְהֲלָ֣ה מְאֹ֑ד וְאַתָּ֥ה יְ֝הוָ֗ה עַד מָתָֽי

psa 6:4

שׁוּבָ֣ה יְ֭הוָה חַלְּצָ֣ה נַפְשִׁ֑י הֹ֝ושִׁיעֵ֗נִי לְמַ֣עַן חַסְדֶּֽךָ

psa 6:5

כִּ֤יאֵ֣ין בַּמָּ֣וֶת זִכְרֶ֑ךָ בִּ֝שְׁאֹ֗ול מִ֣י יֹֽודֶה

psa 6:6

לָּֽךְיָגַ֤עְתִּי בְּֽאַנְחָתִ֗י אַשְׂחֶ֣ה בְכָל לַ֭יְלָה מִטָּתִ֑י בְּ֝דִמְעָתִ֗י עַרְשִׂ֥י אַמְסֶֽה

psa 6:7

עָֽשְׁשָׁ֣ה מִ כַּ֣עַס עֵינִ֑י עָֽ֝תְקָ֗ה בְּכָל צֹורְרָֽי

psa 6:8

ס֣וּרוּ מִ֭מֶּנִּי כָּל פֹּ֣עֲלֵי אָ֑וֶן כִּֽישָׁמַ֥ע יְ֝הוָ֗ה קֹ֣ול בִּכְיִֽי

psa 6:9

שָׁמַ֣ע יְ֭הוָה תְּחִנָּתִ֑י יְ֝הוָ֗ה תְּֽפִלָּתִ֥י יִקָּֽח

psa 6:10

יֵבֹ֤שׁוּ וְיִבָּהֲל֣וּ מְ֭אֹד כָּל אֹיְבָ֑י יָ֝שֻׁ֗בוּ יֵבֹ֥שׁוּ רָֽגַע