psa 61:1

לַמְנַצֵּ֬חַ עַֽל נְגִינַ֬ת לְדָוִֽד שִׁמְעָ֣ה אֱ֭לֹהִים רִנָּתִ֑י הַ֝קְשִׁ֗יבָה תְּפִלָּתִֽי

psa 61:2

מִ קְצֵ֤ה הָאָ֨רֶץ אֵלֶ֣יךָאֶ֭קְרָא בַּעֲטֹ֣ף לִבִּ֑י בְּצוּר יָר֖וּם מִמֶּ֣נִּי תַנְחֵֽנִי

psa 61:3

כִּֽיהָיִ֣יתָ מַחְסֶ֣ה לִ֑ימִגְדַּל עֹ֝֗ז מִ פְּנֵ֥י אֹויֵֽב

psa 61:4

אָג֣וּרָה בְ֭אָהָלְךָ עֹולָמִ֑ים אֶֽחֱסֶ֨ה בְסֵ֖תֶר כְּנָפֶ֣יךָ סֶּֽלָה

psa 61:5

כִּֽיאַתָּ֣ה אֱ֭לֹהִים שָׁמַ֣עְתָּ לִנְדָרָ֑י נָתַ֥תָּ יְ֝רֻשַּׁ֗ת יִרְאֵ֥י שְׁמֶֽךָ

psa 61:6

יָמִ֣ים עַל יְמֵי מֶ֣לֶךְ תֹּוסִ֑יף שְׁ֝נֹותָ֗יו כְּמֹו דֹ֥ר וָדֹֽר

psa 61:7

יֵשֵׁ֣ב עֹ֭ולָם לִפְנֵ֣י אֱלֹהִ֑ים חֶ֥סֶד וֶ֝אֱמֶ֗ת מַ֣ן יִנְצְרֻֽהוּ

psa 61:8

כֵּ֤ן אֲזַמְּרָ֣ה שִׁמְךָ֣ לָעַ֑ד לְֽשַׁלְּמִ֥י נְדָרַ֗י יֹ֣ום יֹֽום