psa 54:1

לַמְנַצֵּ֥חַ בִּנְגִינֹ֗ת מַשְׂכִּ֥יל לְדָוִֽד בְּבֹ֣וא הַ֭זִּיפִים וַיֹּאמְר֣וּ לְשָׁא֑וּל הֲ לֹ֥א דָ֝וִ֗ד מִסְתַּתֵּ֥ר עִמָּֽנוּ אֱ֭לֹהִים בְּשִׁמְךָ֣ הֹושִׁיעֵ֑נִי וּבִגְבוּרָתְךָ֥ תְדִינֵֽנִי

psa 54:2

אֱ֭לֹהִים שְׁמַ֣ע תְּפִלָּתִ֑י הַ֝אֲזִ֗ינָה לְאִמְרֵי פִֽי

psa 54:3

כִּ֤יזָרִ֨ים קָ֤מוּ עָלַ֗י וְֽ֭עָרִיצִים בִּקְשׁ֣וּ נַפְשִׁ֑י לֹ֤א שָׂ֨מוּ אֱלֹהִ֖ים לְנֶגְדָּ֣ם סֶֽלָה

psa 54:4

הִנֵּ֣ה אֱ֭לֹהִים עֹזֵ֣ר לִ֑יאֲ֝דֹנָ֗י בְּֽסֹמְכֵ֥י נַפְשִֽׁי

psa 54:5

יָשִׁ֣יב הָ֭רַע לְשֹׁרְרָ֑י בַּ֝אֲמִתְּךָ֗ הַצְמִיתֵֽם

psa 54:6

בִּנְדָבָ֥ה אֶזְבְּחָה לָּ֑ךְאֹ֤ודֶה שִּׁמְךָ֖ יְהוָ֣ה כִּיטֹֽוב

psa 54:7

כִּ֣ימִ כָּל צָ֭רָה הִצִּילָ֑נִי וּ֝בְאֹיְבַ֗י רָאֲתָ֥ה עֵינִֽי