psa 17:1

תְּפִלָּ֗ה לְדָ֫וִ֥ד שִׁמְעָ֤ה יְהוָ֨ה צֶ֗דֶק הַקְשִׁ֥יבָה רִנָּתִ֗י הַאֲזִ֥ינָה תְפִלָּתִ֑י בְּ֝לֹ֗א שִׂפְתֵ֥י מִרְמָֽה

psa 17:2

מִ֭ לְּפָנֶיךָ מִשְׁפָּטִ֣י יֵצֵ֑א עֵ֝ינֶ֗יךָ תֶּחֱזֶ֥ינָה מֵישָׁרִֽים

psa 17:3

בָּ֘חַ֤נְתָּ לִבִּ֨י פָּ֘קַ֤דְתָּ לַּ֗יְלָה צְרַפְתַּ֥נִי בַל תִּמְצָ֑א זַ֝מֹּתִ֗י בַּל יַעֲבָר פִּֽי

psa 17:4

לִפְעֻלֹּ֣ות אָ֭דָם בִּדְבַ֣ר שְׂפָתֶ֑יךָ אֲנִ֥י שָׁ֝מַ֗רְתִּי אָרְחֹ֥ות פָּרִֽיץ

psa 17:5

תָּמֹ֣ךְ אֲ֭שֻׁרַי בְּמַעְגְּלֹותֶ֑יךָ בַּל נָמֹ֥וטּוּ פְעָמָֽי

psa 17:6

אֲנִֽי קְרָאתִ֣יךָ כִֽיתַעֲנֵ֣נִי אֵ֑ל הַֽט אָזְנְךָ֥ לִ֝֗ישְׁמַ֣ע אִמְרָתִֽי

psa 17:7

הַפְלֵ֣ה חֲ֭סָדֶיךָ מֹושִׁ֣יעַ חֹוסִ֑ים מִ֝ מִּתְקֹומְמִ֗ים בִּֽימִינֶֽךָ

psa 17:8

שָׁ֭מְרֵנִי כְּ אִישֹׁ֣ון בַּת עָ֑יִן בְּצֵ֥ל כְּ֝נָפֶ֗יךָ תַּסְתִּירֵֽנִי

psa 17:9

מִ פְּנֵ֣י רְ֭שָׁעִים ז֣וּשַׁדּ֑וּנִי אֹיְבַ֥י בְּ֝נֶ֗פֶשׁ יַקִּ֥יפוּ עָלָֽי

psa 17:10

חֶלְבָּ֥מֹו סָּגְר֑וּ פִּ֝֗ימֹו דִּבְּר֥וּ בְגֵאֽוּת

psa 17:11

אַ֭שֻּׁרֵינוּ עַתָּ֣ה סְבָב֑וּנוּ עֵינֵיהֶ֥ם יָ֝שִׁ֗יתוּ לִנְטֹ֥ות בָּאָֽרֶץ

psa 17:12

דִּמְיֹנֹ֗ו כְּ֭ אַרְיֵה יִכְסֹ֣וף לִטְרֹ֑וף וְ֝כִ כְפִ֗יר יֹשֵׁ֥ב בְּמִסְתָּרִֽים

psa 17:13

קוּמָ֤ה יְהוָ֗ה קַדְּמָ֣ה פָ֭נָיו הַכְרִיעֵ֑הוּ פַּלְּטָ֥ה נַ֝פְשִׁ֗י מֵ רָשָׁ֥ע חַרְבֶּֽךָ

psa 17:14

מִֽ מְתִ֥ים יָדְךָ֨ יְהוָ֡ה מִֽ מְתִ֬ים מֵ חֶ֗לֶד חֶלְקָ֥ם בַּֽחַיִּים֮ וּֽצְפוּנְךָ֮ תְּמַלֵּ֪א בִ֫טְנָ֥ם יִשְׂבְּע֥וּ בָנִ֑ים וְהִנִּ֥יחוּ יִ֝תְרָ֗ם לְעֹולְלֵיהֶֽם

psa 17:15

אֲנִ֗י בְּ֭צֶדֶק אֶחֱזֶ֣ה פָנֶ֑יךָ אֶשְׂבְּעָ֥ה בְ֝הָקִ֗יץ תְּמוּנָתֶֽךָ